Piku Effect

Kabhi piku banke aate ho,
kabhi English madam ban jaate ho..
Kuch aur nazar ab aaye kaise. Jab
Tum roz qayamat dhaate ho

Har baat samajh aa jati hai, Jab pyar se tum samjhaate ho
Hum maan bhi le apni galati, jab tum unhe ginate ho
Kuch aur samajh ab aata nahi,
Jab samne tum aajate ho,
Ek baat bataaen sonu tumko..
Tum roz qayamat dhaate ho..

Axis Qaarwan

Mein yuhi chalta raha aur saath sab judte chale...
Kuch khas bankar saath hai, kuch rukh badalkar mud gaye.


Khoob galati ki magar, mein kuch toh seekha hun idhar...
Har baat par hansta raha, sab kaam bas chalte rahe


Jab dil mila dildaro se, jo gam thai saare chup gaye..
Thi baraf si tasir hamari, jis paani mein mile us paani mein ghul gaye...

Woh

Jab dekhta hun kisi ko ghanto kisi ka intezaar karte hue, toh woh yaad aata hai..

jab koi mall ke changing room mein dheero kapde le jaate hai, toh woh yaad aata hai..

baatein karte hue jab koi milon chala jaata hai aur waqt ka koi thikana nahi reh jata hai.. toh woh yaad aata hai..

Jab dekhta hun bazaar mein kisi ko mol bhav karte hue, har choti baat par na nukur karte hue.. toh woh yaad aata hai..

haatho mein chappal uthaae, samandar ke kinare koi firta hua dikh jaata hai, toh woh yaad aata hai..

jab gahari khamoshi mein kisi ke pass hone ka ehsaas ho, toh ye woh hi hai...

par ye "woh" kaun hai, ye baat hum har kisi ko bata nahi sakte,

saare zamane ko humara raazdaar bana nahi sakte..

KACHRA

aaj phir se kuch banane ki koshish ki hai,
boss to rijhaane ki koshish ki hai...

is baar ho jaaega shayad woh thoda impress,
ho sakta hai na de mujhko rating mein stress...

thoda dar ke, bhawan bharose humne mail to kar diya..
boss ka inbox hamari slides se bhar diya..

ab intezaar tha phone ka, tha sirf ek baat ka khatra....
boss ne bola call laga ke, kya banaya kachra...

ye kachara banate banate, hum bhi corporate mein badal gaye...
kuch saalo baad hum bhi kisi ke boss ke roop mein dhal gaye...

ab maza aata hai subordinate ki galati nikalne mein...
thoda seekhane mein, thoda uske kaam ko kachra batane mein..